مطاعم ومقاهي
اطيب مطاعم المشاوي بالاردن
مين فينا ما بِحِب بطنه؟ و مين مِنّا ما بيموت باشي اسمه مشاوي؟؟ كلنا منحِب نشوي بِبيوتنا بس فعليا المطاعم المِتخَصِّصة فيها بِتجِبلَك النكهة الصح
في عنا كتير مطاعم مِتعَدِّدة بتقدملك ازكى المشاوي. هي ازكى ١٠ منهم:
١. كبابجي
من ازكى مطاعم المشاوي و من احلى القعدات اللي ممكن تقعدها مع العيلة. في اله فرع بالشميساني، عبدون و شارع مكة. اوقات الدوام ٩ص-١ بالليل. عنده خدمة التوصيل.
٢. كباب اكسبرس
الطعم عنده كتير زاكي و مُمَيَّز. في عنده فكرة ال لانش بوكس سواء للشغل اذا متأخر بدوامك او للبيت. فروعه ب سيتي مول، الصويفية و تاج مول. وعنده خدمة التوصيل اكيد.
٣. القلعاوي
موقعه بجبل الحسين من اقدم و ازكى مطاعم المشاوي عنا بالاردن. لحمته بتتميز كتير لانها بلدية و طرية.
٤. مطاعم عمان الكبرى
كمان من اقدم محلات المشاوي و اطيبها. تأسست من عام ١٩٨٧. عندها استعداد تقدم خدمة ال catering لمناسبات مختلفة. موقعه بين الدوار السابع و الثامن
٥. ملحمة و مشاوي نصار
من ازكى الطعمات اللي ما بتنتسى، كتير منطلب من هالمطعم بالذات لما يكون عنا عزايم. موقعه بالصويفية خلف مخبز السفراء. خدمة التوصيل متوفرة.
٦. ورد و كباب
هالمطعم متميز بقعدته و اكله الزاكي. خدمة التوصيل ٢٤ ساعة. موقعه بالصويفية، شارع الوكلات.
٧. مطعم السروات
اله فرعين، فرع بالدوار السابع و فرع بشارع الجاردنز. من اكتر المأكولات المميزة عنده هيِّ المشاوي.
٨. لقمة عالكانون
موقعه بالفحيص، بيشتهر كتير بالمشاوي بانواعها. مش بس هيك ال view بالمطعم مش عادي و كتير مناسب للعائلات.
٩. كرم بيروت
من افخم المطاعم اللبنانية عِنّا بالاردن، موقعه بالدوار الثاني. وكتير معروفة نكهة المشاوي عنده بِتمَيُّزها
١٠. وتر زرياب
بيشتهر بالمشاوي و كافّة المازات اللبنانية عنده. موقعه بالفحيص و عنده سهرات طربية حلوة كتير و مناسبة للعائلات.