أشياء نحبها
اهم مُخيَّمات صيفية للأولاد بالاردن
كتير من الامَّهات بتحتار وين تحُط اولادها بالعُطلة لانهم بيِعرَفوا اذا ضَلّوا بالبيت رح يطَلعولهم روحهم و يقلبوا البيت مخانقات مع اخوانهم، بالاردن في كتير اماكن عاملة مُخيَّمات صيفية بتتمتع بالامان و بتعمل عتقوية شخصيّة اولادك، و كمان بتخفف عنِّك تفكير وين تاخديهم بهالشوب هي اهم ٧ منهم:
De La Salle Amman Club
ال summer camp بكلية دي لا سال – الفرير ، موقعها بجبل الحُسين بيبدا المُخيَّم من ١٦-٦ ل تاريخ ١٦-٧ . بياخدوا من عمر ال ٤ سنين لعمر ال ١١ سنة ، كتير بِركزوا عالامان للاولاد، تقوية شخصيتهم و تعليمهم مهارات جديدة و مُمتعة. عندهم انشطة متنوعة بداخل المدرسة و خارجها مثل: basketball , football, music, crafts and arts , swimming, cooking و كتير نشاطات تانية مختلفة.
و الاسعار كتير مناسبة و منطقية للجميع .
Ahliyyah and Mutran super summer camp
بيبدا المُخيم من تاريخ ٢٣-٦ لتاريخ ٢٥-٧، بياخدو من عمر ال ٤ سنين لعمر ال ١٥ سنة، عندهم انشطة متنوعة مثل: cooking, robotics, swimming, gymnastics و كتير من النشاطات التانية. بتقدر تسجِّل اسبوعي او كل الفترة.
Iman Early learning center
بياخدوا من عمر ال سنتين لعمر ال ٥ سنين ، ببلش المخيم من تاريخ ٣٠-٦ لتاريخ ٨-٨ من الساعة ٩ صباحاً للساعة ١
الظهر، عندهم نشاطات حلوة و مختلفة لهالعمر بتساعد على تقوية شخصيتهم من هالعمر الصغير.
Little Einstein preschool- um uthainah
مدته ٧ اسابيع ، ببلش من تاريخ ٢٣-٦ لتاريخ ٨-٨، بياخد اعمار صفوف ال pre1 , pre2 & kg1 ، عندهم برنامج معين بكل يوم من ايام الاسبوع ( الاحد – الخميس ) .
The Alchemist Lab
بيبدا من تاريخ ٩-٦ لتاريخ ٨-٨ ، من الساعة ١٠ الصبح -٢ الظهر، بياخدوا من عمر ال ٤ سنين لعمر ١٢ سنة . من برامجها : Explore yourself, am responsible, fun science و غيره. في عروض للتسجيل المبكر و للمجموعات.
International Robotics Academy
بياخد من اعمار ال ٦ سنين لعمر ال ١٦ سنة، بيركزوا على : planning, building, testing, redesigning ,sharing و غيره ، في خصم ١٠٪ للاولاد اللي بسجلوا قبل ١٥-٦ ،و في كمان خصم اخوة.
Elect Preschool and nursery
بيبدا من تاريخ ١٦-٦ لتاريخ ٢٢-٨ ، الاحد – الخميس من الساعة ٩ الصبح للساعة ٢ الظهر، من برامجها : cooking classes , water fun , zumba, ballet, football و غيره.