أشياء نحبها
زهقنا من الاوتيلات، هي احلى اربع اكواخ بمناطق طبيعية بالاردن
كتير من المرّات بكون نفسنا نغيِّر عن الاوتيلات والبيوت و نِطلع من جو الغُرَف التقليديّة لجو الاستمتاع بالطبيعة، الاشجار والمناظر الحلوة اللي ما منشوفها. بالاردن في كتير اماكن طبيعية مليانة بالاشجار، الجبال والمناظر الحلوة ، هي احلى اربع اكواخ موجودة بالاردن:
موجود في عمان على بعد ٢٩ كم من متحف السيارات، عنده ترّاس للتشميس مع مسبح و كمان فيه سبا ومركز صحّي. موجود بكل كوخ كل المستلزمات اللي بحتاجها الشخص بالإقامة مع وجبة افطار مُميَّزة. كتير من الناس اللي بنزلوا هون بحبّوا يمارسوا رياضة المشي.
بيبعد قريب ال ٢٠ كم عن جرش، عندهم اكواخ مزوَّدة بكل الاشياء اللي بحتاجها الزائر، كمان في مطعم، خدمة الواي فاي، خدمة اصطفاف ومنطقة العاب خاصّة بالاطفال. اللي بميِّز المنطقة انه المنظر مش عادي و طبيعته ما بتخلّي الواحد يروِّح.
موجود بالجزء الشمالي من وادي الاردن، بِيجوا الزوار للاستمتاع بجمال طبيعة المكان في وادي الاردن، مناسب لمعظم الفئات العمرية ومثالي جدا للشباب والعائلات و للي بيحب المغامرات. وهناك ممكن يساعدوكم و يعملولكم برامج زي ال hiking, bike tours , canoeing وغيره.
موجودة بالجزء الشمالي من محافظة عجلون، المحل بيوفر مرافق لمحبي الطبيعة وبتعمل برامج للزائرين. بضم المكان غابات كثيفة، نباتات وحيوانات برِّيّة غير انه المكان مليان بالهدوء والمنظر الرائع.