مطاعم ومقاهي
This article is also available in
.
Switch Language
١١ مطعم ايطالي تاكل فيه
اكيد صورت نفسك في ايطاليا و تجرِّب اكلهم الطيب بعد ما حضرت واحدة من هالافلام؛ The Godfather, The Talented Mr.Ripley, The Tourist, Letters to Juliet او Angels and Demons. و اقرب شي ممكن توصله اثناء قراءة هالمقال هو واحد من هالمطاعم لحد ما تحجز سفرتك الجاية عايطاليا عنجد:
١) IL Terrazzo Amman Restaurant بفندق الماريوت
الشيف ماركو فنان في المطبخ. من بين كل اكلاته الطيبة، لازم تجرب سلطة الBurrata Cheese Barley اللي بفتح النِفس و تنهي بالFrittelle اللي بشبه الدوناتات الصغار.
٢) Gusto Italian Restaurant بالعبدلي
من ضمن التشكيلة الواسعة اللي عنده، جرب سلطة الشمندر مع التوت و الMessy Shrimp.
٣) Romero بين الدوار الثالث و الثاني
سواء رايح تاكل وجبة دسمة من الTruffle Ravioli او تِلَقِّم من الProsciutto di Parma والBresaola او حتى تشربلك فنجان اسبرسو مع تيراميسو، ما رح تندم ع هيك تِنقاي بالمرة.
٤) Cantaloupe Gastro Pub ببوليفارد العبدلي
اطلب سلطة جبنة الماعز مع Risotto ai Funghi لألذ وجبة ايطالية ممكن تجربها.
٥) L’Incontro بفندق حياة عمان
الشيف بابلو ما رح يقصِّر معك بالمرَّة. جرِّب الSalmon Linguine و اختم بسوربيه ليمون.
٦) Café Italia ببوليفارد العبدلي
عندهم خيارات متنوعة بس للي حابب يغيِّر عن اللحم و الجاج و السمك ممكن يطلب شي نباتي من عندهم زي الPalmetto Salad with Tofu و الQuinoa Salad with Goat Cheese and Pine Nuts و اذا جاي ع بالك تتحلَّى بلون ايطالي، جرِّب الحلو القشطي Panna Cotta.
٧) Trattoriaبفندق قصر المتروبول
بلِّش وجبتك بشوربة الفطر و جرِّب الدجاج المحشي و الRavioli ليكمَل نهارك ع خير.
٨) EVOO بفندق الشيراتون
اذا جاي ع بالك شي خفيف، ممكن تطلب سلطة ال-caprese مع جبنة الموزاريلا تقرمِش عليها او ممكن تثقِّل بال-fettuccine بثمار البحر او الrisotto بقريدس .
٩) Spago Restaurant بالصويفية
الشيف فيليبيه رهيب بطبخه للاكلات الايطالية، اطلب الScaloppine di Vitello واللي عبارة عن لحم عجل بالليمون او اذا ما بتحب الصوص ع لحمك، اطلب الFiletto di Manzo.
١٠) Da Esmat Italian Kitchen بشارع الرينبو
هالمطعم بيوفرلك اكل ايطالي فاخر و بأرخص الاسعار. سلطة المانجا رهيبة، الRisotto بالزعفران خيالي و لازم تطلب الFrutti di Mare لتشكيلة من المأكولات البحرية و الاسماك في طبق واحد.
١١) Little Italy بعبدون و تاج مول
يعني شو ما تطلب بيتزايات، ما رح تشبع. خفيفة و لذيذة و الكميات كبيرة كمان.