سمعت عن غرفة تفريغ الغضب بعمان؟

مين مِنّا ما بكون نفسه و هوّي معصِّب يقلب البيت عبعضه و يكَسِّر الدنيا؟ كلنا بيجي عبالنا نسَوّي هيك و اكتر لما نعصِّب او لما نكون مقهورين و متدايقين من شغلة.

بطَّل في داعي تفكر انه تكسِّر بيتك اللي ممكن لحد هلّا قاعد تسد بقسطه لانه صار في غُرف تفريغ الغضب بالاردن بيستخدم الناس فيها مطارق بحطموا فيها حواسيب، تلفزيونات ، معدات ، ادوات قديمة ، زجاج سيارات ، كمان بيرموا صحون و زجاج عالارض. طبعاً بكونوا الاشخاص لابسين خُوَذ و اشياء خاصّة للحماية العالية. في كمان مكان مخصص للازواج و الشركاء، بدخل كل واحد فيهم على غرفة و بكون في بينهم جدار زجاجي شفّاف.

تُعتبر غرفة تفريغ الغضب من الطرق الجديدة و الفعّالة للتخلص من الغضب و الطاقة السلبية اللي لازم كلنا نتخلص منها ببعض من الاوقات.

الدخولية ١٥ دنانير. صفحة المحل على الرابط.