مطاعم ومقاهي
This article is also available in
.
Switch Language
١٣ من اشهى طلبات اكل بوصلوك للدوام
مش كلنا معنا الوقت نعمل اكل و ناخذه معنا عالدوام و مش كل شركة فيها كافيتيريا و حتى لو في، ما بيجي عبالك دايما تاكل من عندهم. الا ما يجيك يوم تطلب اكل من برا و يكون معقول بالسعر، صحي نوعا ما و تناسب كل الناس. احنا موجودين كالعادة نساعدك بكم مطعم محلي اردني:
١) ذا ساندويتش بوتيك: اطلب سندويشة التي اس بي سبيشال TSB Special بثلاث دنانير و نص
٢) زعتر و زيت : اطلب منقوشة الزعتر بجبنة ب ليرتين و ٣٥ قرش
٣) كعكة : اطلب كعكة العكاوي بدينارين و ستين قرش أو الشاورما
٤) صاج حارتنا: اطلب صاج زنجر بالجبنة بدينارين و ١١ قرش
٥) فود بوكس: اطلب كونغ باو نودلز Kung Pao باربع دنانير و نص
٦) مستر كوشاري: صحن الكوشري عندهم بليرتين و نص
٧) شاورما عالصاج: وجبة السوبر عندهم بثلاث دنانير و ٢٠ قرش
٨) مطبخ سوسن: طبايخ اللي بدك ياها من ثلاث دنانير و نص و اطلع
٩) بيتزا لوفر: قسِّم ٤ بيتزايات و ٢٤ اجنحة دجاج ع مين ما بدك بالدوام ب ٢٤ دينار
١٠) المنقل دجاج تكا: قسِّم ٨ قطع دجاج مع رز و حمص و بطاطا و خبز بوري عللي حواليك بمكتبك ب١٧ دينار و ٢٠ قرش
١١) لايف سوشي: ١٢ قطعة سوشي من اختيارك باربع دنانير و ٣٠ قرش
١٢) تريتس اند بينز: اتجلّى بطلب كريب Crepe او وافل Waffle مع اضافات من اختيارك باربع دنانير و ٣٠ قرش
١٣) ذا كيك شوب: اطلب كيكات من دينار و ٣٠ قرش و اطلع
و اذا بدك عصائر و كوكتيلات، في سيد Seed او ديتوكس مي Detox Me بيفيدوك من خمس دنانير و فوق