أشياء نحبها
مهرجان جرش قرَّب .. صار لازم تعرف التفاصيل
يُعتَبر مهرجان جرش للثقافة والفنون من اضخم المهرجانات اللي بتحدث بالاردن و الوطن العربي، بيجي عليها ضيوف من مختلف الدُوَل العربية و تُعتَبَر هاي الدورة ال ٣٤. في عندهم هالسنه حوالي ١٤٠ فعالية فنية و ثقافية على مستوى الوطن رح يشارك فيها قريب ال ١٥٠٠ فنان و فنانه من الاردن والدول العربية.
من ابرز النجوم اللي رح يشاركو بهالمهرجان الفنان الاردني عمر العبداللات، الموسيقار اللبناني مارسيل خليفة، الفنانين: نانسي عجرم ، محمد عسّاف، وائل كفوري، لطفي بوشناق ، محمد منير وغيرهم العديد من الفنّانين.
كمان رح يضم مشاركة العديد من الاسماء الشعرية منهم الشاعر البحريني قاسم حداد، الشاعر المصري علاء عبد الهادي، الشاعرة العراقية ساجده الموسوي، الشاعر السوداني محمد عبد الباري و غيرهم من الشُعراء كمان رح يضم المهرجان امسيات فكرية ، امسيات ادبية و مسرحِيّات مختلفة، مش رح نِنسى التسهيلات الكبيرة بتأمين المواصلات من و الى جرش، و الحلو انه المهرجان هالسنه رح يضم فقره جديده تحت عنوان مهرجان السينما للافلام القصيرة ، رح تشارك كتير من الافلام الاردنية و العربية القصيرة بهالبرنامج الجديد.
منشجِّع كل عائلة و كل فرد يروح يحضر، يتثقَّف، يستفيد و ينبسط.
البرنامج والاسعار على الرابط.