مدونة
اطلاق خدمة التاكسي الطائر بالاردن
قدّيش كُنّا نِحلَم من زمان بهيليكوبتر تاخُدنا من مكان للتاني مشان نختصِر العجقة والازمة المُروريّة والمسافة الطويلة غير التَعَب اللي منعاني مِنّه، صار عِنّا بالاردن تاكسي طائر بيوسع لحد ال ١٥ شخص.
اكاديمية النسر الذهبي للطيران متعاونين مع المحاربين القدامى من السلاح الجوّي هِنِّ اللي بِقوموا بعمليّة نقل الرُكّاب.
طبعاً صار في طلب كتير على التاكسي الطائر لتَمَيُّزه بالسُرعة والمرونة و مساعدة السُيّاح اللي بدها تختصر وقت و هنِّ بتنقَّلوا بالمُحافظات ، في ناس بتطلع بالتاكسي الطائر مشان تتفرج عجمال العاصمة كمان. ممكن نسأل حالنا انه وين بيهبُطوا الجواب انه الهم اماكن مُعَيّنة للهبوط.
رح توفِّر الشركة بالمستقبل القريب رحلات للمناطق الساحيّة مع العلم انّه تكلفة الرحلة اللّي مُدِّتها ١٥ دقيقة ٥٥ دينار اردني.