مطاعم ومقاهي
صيف يعني بوظة، ٩ أماكن لازم تجربها بعمان
بالصيف كتير مِنكَتِّر من اكل البوظة ع قد ما بتِرتَفع الحرارة عِنّا، و صراحة هِيِّ دايماً زاكية و بكل اشكالها و مُحتوياتها، و بتِختلف مرّات من محل لمحل بطريقة تقديمها، عِنّا هون كتير محلّات بوظة قديمة محافظة عإسمها و جديدة مِبتكرة طُرُق جديدة، هي منهم:
موقعه بالرابية ، بيقدم بوظة مميزة و زاكية، في عنده فوق ال ٥٠-٦٠ نكهة مختلفة. مش بس بيقدم بوظة بيقدم كمان وافلز ، كريب ، كوكتيل عطريقته الخاصّة، كمان المحل الوحيد اللي بعمل عجينة القطايف من النوتيلا، المحل لطيف كتير و خرج قعدات عائلية.
موقعه بام اذينة و بيتميز انه كل مكوِّناته و نكهاته طبيعية، ١٠٠٪ و طريقته ايطالية. عنده بوظة متنوعة و نكهات خاصّة بالاطفال، كتير زاكية و صحيّة جداً.
موقعه بالصويفية، و عنده نكهات كتير متعددة و زاكية ، طبعا مش رح ننسى الوافل المليانة بوظة و نوتيلا اللي مشهور فيها كتير.
من اكبر المتاجر العالمية المتخصصة بالبوظة ، اول فرع الهم بالاردن كان بالتاج مول في عندهم بوظة مختلفة زي ال ساندايس ايس كريم ، كيك الايس كريم ، ايس كريم منزلي و مشروبات مجمدة. المحل كتير مناسب و مريح للقعدات العائلية.
من اكتر اماكن البوظة المعروفة و المشهورة و اللي بنقصدها عمداً مشان ناكل بوظتهم الفخمة ، طبعا كمان عنده وافلز ، كريب، مشروبات باردة و ساخنة. و بيتميز بالسحلب بالشتاء. عنده كتير فروع منها: شارع الرينبو ، سيتي مول ، تاج مول و فرع عبدون اللي كتير مناسب للقعدات العائلية.
موجود بالبوليفارد و بعبدون ، من ارقى اماكن البوظة و ازكاها. طريقة تقديمها حلوة و من اكتر محلّات البوظة ال cozy عنا بالاردن.
موقعه بجاليريا مول، طريقة عملها حلوة كتير يعني بتستمتع بالمنظر و هِنّي بعملوها و بتستمتع بطعمتها المختلفة، الحلو كمان انه انت بتقدر تعمل البوظة من المكونات اللي انت بدك ياها. و في خيار كمان للناس اللي متِّبعة نظام غذائي صحي.
موقعه بشارع الرينبو، البوظة عنده مميزة من ناحية الشكل ، الطعمة ، طريقة التقديم و اشكالها اكيد. عنده خدمة ال catering المميزة و خاصة للحفلات و اعياد الميلاد ، لا تنسى تجرب الوافلز من عندهم.
عنده فروع كتير متعددة منها شارع المدينة المنورة ، صويفية ، وسط البلد و غيره، بتتميز البوظة عنده بالنكهة العربية المليانة فستق حلبي و مستكة. طبعاً عنده نكهات كتيرة و مختلفة . بيقدموا وافلز ، كريب و مشروبات مختلفة.