أشياء نحبها
اماكن خارجية خرج شوي وقعدات عائلية
كتير منِستنّا الصيف مشان حفلات الباربكيو و الجمعات العائلية اللي ما بتخلص و كتير مرّات مندور عأماكن بتوفرلنا جو حلو للشوي و كمان يكون مناسب للعائلات و للاطفال، بالاردن في كتير محلّات مناسبة جداً للشوي وهي ١٣ منها:
١. Green Field
موقعه بطريق المطار، كتير طبيعته حلوة ومليان اشجار ومناظر طبيعية و مناسب للعائلات، مناسب جداً للشوي وعندهم خدمة الاراجيل.
٢. منتزه ومطعم نبع البحّاث
موقعه بمرج الحمام على نبع البحّاث (وادي الشتا) المشهور بمياهه، مناسب للشوي والترفيه و موجود فيه حدائق و منتزهات، رسوم الدخول قليلة كتير، في عنده خدمة اراجيل.
٣. شاطئ عمان السياحي – البحر الميت
دخولية رمزية ، مناسب للعائلات والشوي عمنظر البحر بكون كتير حلو وخيالي، عندهم العاب للاطفال.
٤. سد الملك طلال
موقعه بجرش و من اكبر سدود الاردن، المنظر هناك كتير حلو وخرج استجمام.
٥. منتزه دبّين
موقعه بجرش، المكان كتير حلو و مليان اشجار و كتير مناسب للشوي وللاستجمام بالطبيعة، فيو كمان بعض الحيوانات والطيور النادرة زي الهدهد وعندهم كمان حظائر خيول.
٦. غابات ملك مملكة البحرين
موقعها بطريق المطار وكتير مناسبة وحلوة لاجواء الشواء، فيها مدينة العاب وحديقة حيوانات.
٧. حدائق الحسين
شارع الملك عبد الله الثاني- المدينة الطيية كتير المكان كبير وحلو وبتمتع بطبيعة خلّابة ومُريحة وخرج شوي.
٨. منتزه عمان القومي
موقعه بطريق المطار، هي عبارة عن غابة موجودة عجبل، مليانة بالاشجار والمناظر الطبيعية، مكان رائع للشوي وللاطفال في مكان خاص للالعاب و ملاعب كرة قدم و كرة سلّة.
٩. مطاعم ومنتزه نبع العرّاد
موقعه بطريق المطار واسعاره لطيفة وكمان بيوفرلك الاغراض اللي بتحتاجها للشوي، الجو فيو رواق كتير، مش رح ننسى المساحات الكبيرة اللي فيه والعاب مميزة للاطفال.
١٠. منتزه ومطعم طلة اريحا
مكان مناسب للشوي والترفيه وعنده العاب محدودة للاطفال.
١١. حديقة الملكة رانيا
موقعها بطريق المطار، فيها حدائق ومتنزهّات ومناسبة للشوي والاجواء العائلية.
١٢. منتزه ارض جدودنا
موقعه بمرج الحمام، عنده مسابح وسيل ماء رائع، العاب اطفال، اماكن شواء وخدمة تأجير الاراجيل.
١٣. منتزه الحُمَّر
موقعه بالفحيص بمنطقة حُرجيّة، بوفِّر المكان اماكن خاصة للشوي واماكن خاصّة لالعاب الاطفال، وعندهم شلّالات ماء.