مدونة
قضي نهارك باللويبدة بس ب ١٠ دنانير!
جبل اللويبدة من المناطق التراثية في قلب العاصمة عمان و بتجمع بين الحاضر و الماضي كونها حافظت على النمط التراثي العماني القديم في البناء مع المفهوم العصري الحديث .
راح اشرحلكم كيف تقضو نهاركم باللويبدة بأقل التكاليف!
• بالنسبة للغدا
اذا كنت بتحب الأكل الشعبي بتلاقي مطعم “الخال” في شارع اكلية الشريعة كتير زاكي و بقدم مأكولات شعبية و أسعاره رخيصة، الوجبة راح تكلفك بحدود ال ٣ دنانير.
.و إذا بتحب الاكل الإيطالي، “مطعم اوليفا” – شارع الخضر الشنقيطي معروف بالبيتزا الزاكية و الباستا و راح تكلفك الوجبة بحدود ال٥ دنانير
القهوة
“ديميتريز كوفي” براند محلية بتنافس الماركات العالمية متل ستاربكس و غيرها ، الأسعار بتبلش من ١,٥ دينار و المحل بقدم حلويات متل التشيز كيك والكوكيز.
“ذا كوفي روم “ مقهى على دوار باريس ، و أسعاره كتير معقولة.
و لعشاق الفنون:
دارة الياسمين، بيت من الطراز المعماري القديم بجمع بين كافيه و مطعم إيطالي و معرض فني و اذا بتحب تشرب اشي خفيف الأسعار بتبلش من ٢,٥ دينار.
و أخيراً اكيد بعد كل هاللفة بدك تقعد قعدة رواق، “مقهى رومي ” محل غير تقليدي الاتموسفير عندهم بمتاز بالطابع الغربي الفرنسي مدموج بالشرقي و كمان أسعاره رخيصة كتير سعر الكيك عندهم ببلش ب ١,٥ دينار.
وهيك بتكون قضيت وقت كتير حلو و مميز و بسعر قليل.