أشياء نحبها
This article is also available in
.
Switch Language
٤ من أجمل قاعات الأفراح في عمان
بما انه نحنا بموسم الصيف يعني مليان مناسبات أفراح إلنا ولأحبابنا، ومشان تعرف شو أحلى وأرقى قاعات الأفراح في عمان، تابع هالمقال.
١. قاعات النعمان للاحتفالات
فيها ٣ قاعات: الملوكية والماسية والذهبية، وبتتميز بديكوراتها الأنيقة يلي بتضفي أجواء سحرية وبيتم تجديدها دائما، وخاصة سقف الورد يلي بيزيد المكان فخامة، عدا عن النضافة والرتابة وطاقم الخدمة المدرّب وكل فترة في عروض على أسعار الحجز ومسابقة خفيفة لطيفة، فيكم تحجزوا بوفيه أكل مرتب ومتنوع معهم. المهم هالقاعات مخصصة لحفلات الخطوبة والزفاف والمؤتمرات.
٢. قاعات أبو خروب للاحتفالات
قاعات مميزة بسقوفها العالية وما فيها عمدان، مدخلها واسع وجذاب، القاعات شيك وأنيقة، بيستخدموا كاميرات لاسلكية لتصوير مناسباتكم، فيها زفات حسب اختياركم: شامية، فلسطينية، مصرية وأردنية. بتوفر مواقف خاصة للمعازيم وخدمة الاصطفاف طبعا.
٣. قاعات بانوراما بلو
تنسيقات روعة لكوشة العرسان والمدخل والقاعة، تقنيات مميزة للإضاءة والتصوير ليكون يومك المميز أكثر تميزاً، تنظيم مشهود إله.
٤. عمان ويفز
إذا كنت حابب تعمل عرسك عند بركة مي ويكون مطل على مناظر طبيعية، فهاد هو المكان الصح، وهو موجود على طريق المطار، طاقم كامل موجود ليكون يوم زفافك متل ما بدك وأكثر، وإذا حابب إنه يكون في قاعة كمان عمان ويفز بتوفر الك أجواء أسطورية ولا أحلى.