مطاعم ومقاهي
This article is also available in
.
Switch Language
مطاعم بسيطة و شهرتها كتير كبيرة في عمان
في كتير مطاعم في عمان بسيطة في الديكور و المساحة بس شهرتها كتيييير كبيرة و بيجي عليها مش بس اهل عمان كمان سياح من برا البلد لانها مشهورة و اكلها زاكي.
راح نعرضلكم أبرز هاي المطاعم :
من المطاعم القديمة كتير في وسط البلد و يعتبر معلم تاريخي في وسط البلد و هو مطعم صغير في دخلة في وسط البلد و مشهور بالعرايس و صواني اللحمة و الكباب .
مطعم شعبي في اللويبدة معروف بمفركة البطاطا و الحمص باللحمة و قلاية البندورة ، المطعم معروف و الكل بروح عليه.
اكيد الكل بعرف مطعم هاشم في وسط البلد المطعم مشهور بالحمص و الفلافل و بالرغم من بساطة المكان ، أجواءه كتير حلوة و عائلية و عليه إقبال من السياح بشكل كبير و دايما بتلاقي المطعم”full” بالذات في فصل الصيف.
مطعم القدس
من مطاعم وسط البلد العريقة، بيقدم وجبات محلّيّة و شرقيّة، ومشهور بالمنسف و الاكلات الشامية المطعم بيقدم اكل شعبي و بنفس الوقت راقي ، و بس تدخل المطعم راح تلاحظ صور القدس المعلقة على حيطان المطعم.
مطعم فؤاد
من مطاعم عمان العريقة ، المطعم صغير في دخلة بوسط البلد ، مختص باعداد الفلافل والسندويشات بس.
المطعم في جبل عمان الدوار الثاني ، مشهور بشاورما اللحمة المطعم عبارة عن محل صغير بتشتري الشاورما من عنده عالواقف ما في مكان تقعد.
المطعم في شارع الرينبو – جبل عمان الدوار الأول ، من ازكى مطاعم الفلافل في عمان الكل بمدحه و مشهور بفلافله الزاكي و بسندويشاته المميزة.
ملحمة أبو حاتم
ملحمة قديمة كتير موجودة بوسط البلد خلف شارع الأمير محمد ، مشهورة بالصاجية و صواني الكفتة ، الملحمة معروفة و كل حدا بنزل على عمان لازم يجرب الاكل من عندهم .
و هيك بنكون عرضنالكم ابرز المطاعم الشعبية المشهورة في عمان .