٤ مناسبات رح تصفّر رواتب الأردنيين هاد الشهر

كل شهر واله مصروفاته زي مونة البيت، الفواتير، الإجارات والبنزين وهاد غير مصروف التشييك على السيارة ودفع خدمات العمارة بس كل هاد كلنا متعودين عليه لانه من ضمن الدفع اللي بندفعه بشكل دوري بس لا تتخيل حالك توفر شلن من راتب شهر تمانية لانه رح يطلعلك مصروفات اضافية ضروري تحسب حسابها وغير انه ميزانية السنة كامله ما رح تكفّيها :

١ – العيد

اللي بييجي بالتلت الأول من الشهر تقريبا ومستحيل حدا يكون استلم الراتب الجديد وبهيك ما في مفلت ليكون النصيب الأكبر منه لتجهيزات ما قبل العيد من كعك ومعمول وشوكولاتة وغير اواعي العيد والمصاري اللي رح تدفعهم للصالونات وللخياطين في جزء مهم كمان اول تلات أيام للعيديات وطشات العيد وبهيك الصرف رح يكون اكتر من باقي الايام وخليك متزكر انه اضحية العيد لازمها حجز من قبلالعيد باسبوع.

٢- رجوع المدراس والتجهيزات

من أواعي ودفع رسوم الكتب وكمان تحضيرات للشنط والدفاتر والمقالم اللي لازم تكون محضره قبل نهاية الشهر لانه رح يبلش الدوام اول يوم بالشهر الجاي.

٣- الاجازة

اللي قربت تخلص والكل بحاول يستغل كل ثانية فيها لشمات الهوا والسفر جوا او برا الاردن وهاد كل بده ميزانية.

٤- عدد ايام العطله بهاد الشهر١٥ يوم

وبهيك عدد الوجبات رح يزيد والطلعات والسهرات مش بس لنهاية الأسبوع زي باقي الأشهر بالسنة رح يصير صرف اضافي لكل يوم بالأاخص مع جمعات المغتربين والأهل والأصحاب.