أول أوتيل خمس نجوم للكلاب بعمان

عمره لفتك اعلان عن خدمة فندقية مع خدمة صالونات للعناية الشخصية زي منكير وبدكير حمام شعر وسشوار؟ أكيد لا لأنه موجود وتقريبا بكل مكان! بس أكيد ما عمرك سمعت عن هاي الشغلات بس للكلاب هلا صار في مركز بطريق المطار معمول خصيصا لهالقصص ومع خدمة فندقية خمس نجوم لصاحبه مروان الحج علي فكرة جديدة وحلوة والها أكتر من سنتين وعندهم خمس أشياء ما رح تصدق انهم موجودين بعمان .

تعرفوا على The Pet Zone.

١– قسم التدريب: بتقدر توخد كلبك الشخصي وتعلمه على فنون الحراسة والطاعة عندهم أكتر من مستوى للتدريب وبس تشوف اموره تمام بتقدر توخده على البيت جاهز كانه عندك من سنين.

٢- خدمة الفنادق: ممكن تحط الكلب عندهم بفترة سفرك برا البلد او ببساطة عندك ضغط شغل او ظرف معين وبدك مكان بتامن عليه وفيك للأحتياط تحط رقم الدكتور اللي بيراجع عنده في حال صار اي اشي معه يعني كانك موجود وزيادة.

٢- بيع وشراء: في أي نوع كلب بتحبه ومن زمان بتدور عليه وصعب تلاقي منه جوا أو برا الاردن صرت بتقدر بهاد المكان تطلب يشترولك اياه وتستلمه جاهز للهدف اللي جبته من شانه اما كلب زينة اوحتى للحراسة والطاعة.

٤- زيارات عائلية: ممكن توخد كلبك عليه بس هيك لشمة الهوا وتوخد اولادك جولة بالمكان يعرفوا كيف يتعاملوا مع الكلاب بشكل عام.

٥- رحلات: عندهم ناس متخصصين بالمجال بتنسق معهم جولات للمدارس وبتخلي الاطفال يشوفوا كل المرافق والخدمات شي ما شافوا منه من قبل بمكان امان وبيسلي لكل الأعمار .