مطاعم ومقاهي
This article is also available in
.
Switch Language
أزكى فلافل في عمان
الفلافل أكلة شعبية وشهية محبوبة عند الكبير والصغير، بهالمقال رح نتعرف على مطاعم شعبية بتقدم الفلافل الطيب.
مطعم القدس
مطعم عريق تأسس من سنة ١٩٦٥، فيك تمر لعنده وانت عم تكزدر في شارع الرينبو وإله فرع تاني جديد في خلدا لتستلذ بأطيب كعكة محشية بالفلافل السخن.
فلافل عيسى
محل صغير وظريف موجود في جبل الحسين، فيك تطلب ساندويشتك بكعكة سمسم أو خبز عادي أو خبز حمام، واختيارات السلطة عندهم متنوعة وعلى كيفك.
مطعم هاشم
حابب تكون الجمعة عندك غير؟ انزل مع العيلة الصبح بكير واستمتع بالأجواء الرايقة في هالمطعم في وسط البلد، وملي معدتك بألذ فلافل ومسبحة وفول.
أبو صطيف
من المطاعم الشعبية القديمة في ماركا الشمالية، مميز بالنظافة والخدمة الجيدة، والفلافل عنده مرتب.
مطعم حمادة
معروف بفروعه المنتشرة في الأردن، بيستخدموا علب صديقة للبيئة، وعندهم تتبيلة ولا أشهى للسندويشات.