٤ أشياء بتخلي مطل أبو نصير أرخص فيو بعمان

لما نروح على مطعم كلنا عيونّا بتروح للطاولة اللي عندها أحلى فيو حتى بالسيارة وبالطيارة الشاطر منا اللي بيسبق جنب الشباك كل هاد عشان نستمتع بجمالية المكان وصحيح أنه مليان بعمان أماكن فيها سطوح مطل وفنادق ومطاعم سياحية بس كلها بدها ميزانية شهر كامل لنفكر نروحها بس مين منا جرب شارع الاردن اللي فيه مطل ابو نصير هاد بالزبط بشمال عمان شارع طويل عريض وموجود من ٢٠٠٥ وفيه أحلى اطلالة بعمان شغالة كل فصول السنة بأرخص سعر كمان وعندك خمس خيارات ممكن فيها نستغل فيهم هاد المكان:

١. ممكن تنزل عند أي استراحة بالشارع بتلاقي مكان تصف سيارتك بدون ما تدفع للفاليت وبتلاقي عندهم طاولات وكراسي وبتطلب ضيافتك بأرخص الأسعار.

٢. إزا حبيت تدلل حالك شوي ممكن تحجز بمطعم سياحي هناك وفي عندك أكتر من خيار ممكن تختار قصر الجبل أو هوا الريف وفي كمان مطعم وكوفي شوب شارع الأردن وكلها أرخص بكتير من جوا عمان وبإطلالة أحلى بكتير.

٣. بتقدر تشتري قهوتك ونقاريشك من أي مكان وتوخدهم معك وبهيك تقرب بسيارتك لأقرب مكان رح تنبسط وتدفع زي كأنك أكلتهم قدام التي في بالبيت .

٤. إزا كنت بتعمل رياضة فهو المكان المثالي لرياضة المشي او حتى للبسكليت لانه معك مجال تقتطع مسافات كبيرة بدون ما تضلك تطلع وتنزل بالجبال الموجودة بباقي شوارع عمان.