أزكى ٤ أماكن بعمان ممكن تاكل فيها منسف

إذا انت أردني أو عايش بالأردن أكيد لازم تكون جرّبت المنسف أو حابب تجربه بمكان بيعمله على أصوله. أو حتّى إذا جاييك ضيوف من برة الأردن أو من داخل الأردن ولو عندك عزيمة، أكيد المنسف هو الخيار الأفضل والأنسب والأكثر إشباعاً.

وهون بنقدملك أحسن 4 أماكن بيقدموا منسف بعمّان، هاي الـ 4 أماكن بتقدر تطلب منها عالبيت أو بتقدر تقعد عندهم:

مطعم القدس

مطعم القدس من أحد أهم معالم وسط والبلد ودايماً مليان سيّاح وكمان أهل البلد، هاد المطعم بيقدّم منسف أردني مرتّب وقائمة طعام كبيرة وكلها بأسعار معقولة.

مطعم جبري

مطعم جبري معروف عند كل الأردنيين وإلو 5 أفرع، بتقدر تروح عليه انت وعيلتك وتطلب منسف مرتب وكمان في قاعات للإحتفالات بتقدر تعمل الغدا فيها إذا عندك مناسبة. غير انه مطعم جبري مشهور بالمنسف، بتقدّر كمان تطلب من عنده أكلات محليّة متنوعة ومقبلات عربية.

مطعم ديرتنا

معطم ديرتنا، من أكبر المطاعم إللي بتقدم طبخ بيتي ومنهم المنسف، وبوفّر المطعم إمكانية انك توصي لعدد كبير من الناس في حال عندك مناسبة.

منسفجي

اسم على مسمّى! إذا انت فعلاً منسفجي وبتعشق اشي اسمه منسف، لازم تجرّب مطعم منسفجي بمنطقة خلدا، إللي بيقدّم منسف فخم باللحمة البلدية واللبن البلدي والسمنة البلقاوية.