مدونة
This article is also available in
.
Switch Language
برج طبي ضخم في الاردن
أكيد لاحظتو البرج الي فتح حديثاً في منطقة العبدلي و اضاءته الحلوة الفلاشي و اكيد الاغلب فكره فندق و في ناس بتسأل شو هالمكان؟
“مركز العبدلي الطبي“ عبارة عن مستشفى ضخم بمواصفات عالمية وبنافس المراكز الطبية بأوروبا من ناحية التصميم و الكفأة .
مركز العبدلي الطبي ، تأسيس المجموعة المسؤولة عن مستشفى كلمينصو المشهور في بيروت.
المركز بحتوي على ٢٠٠ سرير للمرضى، وغير انه ضخم كمان المركز عبارة عن برج و بكل غرفة للمريض في واجهة زجاجية بتطل على عمان كونه المركز عبارة عن برج ضخم ، الملفت بالموضوع المكان مهتم بنفسية المرضى من ناحية تصميم الغرف كونه بتتحسن نفسيتو بس يشوف هالمناظر الحلوة و بتساعد على علاجه .
التصميم الداخلي للمركز خرافي بس تدخل بتحس حالك بشركة اجنبية من كتر ما التصميم متقن و بسيط بنفس الوقت. البرج بالليل اله إضاءة مميزة على شكل إطارات مستطيلة و مربعة بعدة اللوان والمميز بالألوان انها نيون و فلاشية.