أشياء نحبها
أكلات غير روتينية باللويبدة
اغلب المطاعم بي عمان بتقدم يا اكل شعبي متل الحمص و الفلافل او اكل أمريكي برغر ، بروستد و بيتزا بس لما تروح عاللويبدة بتلاحظ انه في مطاعم بتقدم اكل غير مألوف عن الي متعودين علي
1. Roe
مطعم صغير كتير ديزانيه بسيط و مميز ، اول مطعم بعمان بقدم ال ” ramen” الي هية عبارة عن نودلز مع لحمة و خضار او اضفات بتختارها انت مع النودلز ، القعدة حلوة و الاطباق شكل تقديمها لطيف جدا .
Go Mashawi 2.
مطعم بيقدم سندويشات غير مألوفة بعمان من سجق ارمني و نقانق عربية و سجق بلدي الاكل جدا مميز و قعدته صغيرة و أسعاره مناسبة طريقة تقديم السندويشات بسيطة .
.3 طحالاتي
مطعم شعبي بإمتياز بيقدم الطحال و الكبدة و الزغاليل المحشية بطريقة محترفة و القعدة مريحة و زي مقهى شامي قديم و كتير الناس بتمدح فيه و بأسلوبه بالتقديم
4. Chapters
مطعم برضه صغير مختص بالفخارات من الكفته و فتات الباذنجان و الجاج ، و بيقدم سجق كمان و طريقه تقديمه للاكل غير مألوفة عامل اله هوية مميزة من ناحية التقديم .