ليزر تاغ: لعبة بجو حماسي بعمان

تخايل أنت ومجموعة من أصحابك على مجرة بالفضاء مو واصلها ضو الشمس وفي عندك مغامرة لازم تقبل فيها التحدي وما عليك الا انك تلبس درع الليزر وتحمل سلاحك وتصدق أنك صاحي ومش نايم بس أنت بتحلم بالحقيقة مع محاربي النجوم.

كل أجواء اللعبة مجهزه لتحاكي الخيال العلمي رح تلاقي عندك شبه متاهة على مساحة ٥٠٠ متر مع اضاءة خاصة ودخان وجو حماسي العدد لازم يكون اقل شي ستة يعني تلات ضد تلات وأكتر اشي ١٦ شخص ومدة الحرب ربع ساعة كلها حركة لتلاقي الأهداف وتصوب عليها بالليزر وتربح نقاط. والحلو بالموضوع انه الليزر آمن تماما والبدلة اللي رح تلبسها عالية الجودة وبمواصفات عالمية. والفكرة أنه أنت عندك أصحابك وأصحابك عندهم أصحابهم بتلموا حالكم وبتتفقوا مين ضد مين وبهيك بتوصل للهدف من اللعبة التخطيط والتعاون والعمل بجو الفريق بتجربة فريدة من نوعها.