أشياء نحبها
تعرفوا على فندق جديد في عمان
فندق سانت ريجيس ، فندق عالمي فتح حديثاً في عمان و حاليا ماخد الأضواء لفخامته و روعته الي ما الها مثيل .
الفندق تابع لسلسلة فنادق و منتجعات سانت ريجيس العالمية الي تدار من قبل شركة ماريوت الدولية و عدد الفنادق التابع لهاي السلسلة 40 فندق موزعين حول العالم .
الي بميزه عن غيره ، إحتوائه على شقق سكنية بقدر الواحد يتملكها ، و هاد الشي جديد في الأردن ، عدد الشقق 79 شقة و عدد الطوابق 17 طابق و الفندق عبارة عن برجين سكنيين متصلين و بوفر الفندق للشقق السكنية ، صالة رياضة و سينما و مسبح، يعني الفندق بوفر كل معالم الرفاهية للسكان .
الفندق يحتوي على عدد غرف 260 غرفة ، و من ضمنهم 86 جناح منفصل ، و 4 مطاعم و كافيه و مسبح .
روعة التصميم الداخي:
قد ما حكيتلكم عن الاتقان و الفخامة الموجودين في هاد الفندق قليل ، كونه متعوب عليه كتير و بطريقة ما بتتخيلوها ، كتير مهتمين يتفاصيل هاد الفندق و كتير مدققين على اظهار الفندق بصورة فخمة ، حتى الغرف مركزين على الاطلالة و القعدة بالغرف بتحسسك انك بسما عمان لانها مطلة بطريق حلوة .
Mercado andaluz اول مطعم إسباني في عمان موجود في فندق سانت ريجيس مختص بالاكل الاسباني التقليدي ، و هاي كمان ميزة بالفندق .
كمان بالفندق في غرفة مورغن للاجتماعات غرفة مختصة فقط للاجتماعات الرسمية الخاصة .
و في كمان غرفة مختصة لاجتماعات رجال الاعمال و بتمتاز الغرفة بتوقير جو مريح و انيق للاجتماعات .
الفندق يقع في قلب العاصمة – منطقة الدوار الخامس – شارع الاميرة بسمة بجانب المقر الرئيسي للملكية الأردنية.