فن بلا كراسي… فن جبل المحبة

بس في اللويبدة بتلاقي البيوت العريقة بطراز عماني وعثماني قديم واللي عايشين فيه مستحيل يطلعوا ويسكنوا بغيرها وسبب هاد الانتماء الكبير مش بس لانه المكان اللي تربوا فيه هي بالنسبه الهم جبل الثقافة والياسمين وبكل زاوية فيها بتلاقي الفن والفنانين من المقاهي للمعارض الفنية والحيطان حتى الشوارع وبين الزقق وصولا لدوار باريس .

ومن هون اجت الفكرة لتنظيم فعالية من جمعية اصدقاء اللويبدة (فولكا) باجواء بعيدة عن الأكل ووعوادم السيارات والدراجات حتى عن صوت المقاهي المعبى بدخان الاراجيل ولانه الناس بالاصل موجودين ووافقين مو قاعدين ومع هيك في اشي قوي بربطبهم وبخليهم من رواد المكان المخلصين صارت الفعالية اسبوعية واسمها فن بلا كراسي لتطابق الفكرة مع المضمون ولاقوا زاوية صارت محطة لجميع المتطوعين وهي زاوية البنك القاهرة عمان ومن هون بلشوا بعمل امسيات موسيقية وغنائية من شعر و ستاند اب كوميدي في كل ليلة ثلاثاء من الساعة 8 لل10 والدعوة أكيدعامة واهلا وسهلا بالجميع .

ومن فعالياتهم اللي صارت من اسبوعين موسيقى ورقص شركسي دانييال بروقه/شامل نالتشيك وحاتوقه أغاني فلكلورية من أوكرانيا الطفلة لورا العتوم ومقطوعات وأغاني على آلة ukulele او الجيتار المصغر دانا اسحاقات وكمان كان في وصلة رقص هيب هوب احمد محمود وكان اختتام الامسية مع الفنان عادل الحاج ومجموعة من المقطوعات الموسيقية والغنائية العربية والعالمية.