أشياء نحبها
مساحة جديدة للفن تفتح أبوابها في اللويبدة
لكل المهتمين بالثقافة والفنون او بحبو يقعدو بمكان بيعطي جو ثقافي و بطل على عمان، “المنارة” فن وثقافة فتح حديثاً في جبل اللويبدة.
شو الفكرة من المنارة؟
المكان عبارة عن ملتقى فني و ثقافي بتلاقي فيه اعمال فنية محلية لفنانين أردنيين من لوحات و أعمال حرفية، وفي مهتمين باللاعمال الحرفية بروحو هناك و بصممو أعمالهم و بكون الجو مهأيلهم من أدوات ومساحة.
كمان في مكتبة بالمنارة فيها العديد من الكتب المتعلقة بعلم النفس والحياة وتطوير الذات ومعلومات عامة ومش بس باللغة العربية.
وغير هيك الاوريندا ترايب الها مكان في المنارة لاعداد الورش الفنية والحرفية لكل الاعمار صغار وكبار.
شو اللي بميز المنارة؟
الشكل الخارجي: عصري وبسيط بس تشوف المبنى من برا تلقائي بتصير بدك تدخل وتكتشفه.
التصميم الداخلي رووووعة مليان ألوان و حياة و متنوع الأنماط.
واحلى شي انه في مطعم في المنارة والاحلى التراس الي اطلالته خرافية و بقدم الحلويات الزاكية للبحبو التشيز كيك والشكولاته.