أشياء نحبها
This article is also available in
.
Switch Language
ما بتحب تدرس بالبيت ؟؟ ٨ أماكن للدراسة في عمان
كتير منا بحب يدرس برا البيت و ما بركز بدراسته غير لما تكون كاسة القهوة جنبه مع أجواء هادية تهيئه للدراسة ، هدول أفضل ٨ أماكن للدراسة بعمان .
مقهى مايند هب ، مقهى محلي يقع في منطقة الرابية بالقرب من الدوار المقهى لطيف و جوه هادي و مناسب للدراسة و الشغل و بيقدم الكوكيز و التشيزكيك و اكيد القهوة بكل أنواعها .
(سيفين بينيز)Seven Pennies Coffee
سيفين بينيز كوفي هاوس ديكوره عصري و موقعه بالسابع المحل لطيف و الأجواء مناسبة للدراسة و الشغل .
مجنون قهوة ، مقهى محلي بيقدم كيك زاكي القعده هادية و الأجواء مناسبة للدراسة ، الموقع : عبدون – شارع هشام الحجاوي .
(تورتل جرين تي بار) Turtle Green Tea Bar
تورتل جرين تي بار ، اذا انت بتحب الشاي اكتر من القهوة هادا المكان راح يناسبك ، المكان ممتاز للدراسة و هادي ، و بوفر الجو المناسب للدراسة ، المكان بناسب الافراد و ما بناسب المجموعات ، الموقع : جبل عمان – شارع الرينبو
ستاربكس فرع عبدون المكان كبير عبارة عن طابقين بس تطلع الطابق التاني بتلاقي الكل قاعد بيدرس ، جدا مناسب للدراسة و اكيد الكل بيعرف قهوة ستاربكس الزاكية الي بتحفز عالدراسة .
ستدي لاونج مكان نعمل خصيصا للدراسة و ليوفر للطلاب الأجواء المناسبة و مستلزمات الدراسة من معدات و قعدة مريحة ، المكان موجود بالسابع .
نوتس جو مقهى لطيف و جدا هادي و ديكوره مريح للنفسيه و بس تدرس هناك عنجد بتركز لانه بوفرلك مساحة و بنفس الوقت المكان هادي و بخليك تركز بدراستك ، الموقع : الدوار الثامن – بالقرب من نادي السيارات الملكي .
(جنغل فيفر) Jungle Fever Coffee and Tea House
المكان ديكوره كتير بسيط و بنفس الوقت كله الوان و فيه مكتبه و عندهم شرفة بطل على أبراج عمان ، الموقع : جبل اللويبده