عزوتي .. مطعم النشامى والنشميات

“مطعم غير ربحي – مالكه الشعب الأردني”

هيك بستقبل مطعم عزوتي زوراه بمكانه الدافي اللي موجود بنص درج الكلحة بين محل ألوان وكافيه زيزفون.

مطعم غير ربحي

فكرة المطعم قائمة على مبادرة عازم ومعزوم، يعني الأشخاص اللي حابين يتصدقوا بالأكل للمحتاجين، بقدروا يروحوا على عزوتي ويشتروا كوبونات الوجبات للأشخاص (المعزومين)، بالمقابل الأشخاص المحتاجين بسحبوا كوبون عشان يحصلوا على وجبتهم بسهولة.

مالكه الشعب الأردني

كل النشامى والنشميات اللي سخروا أنفسهم ووقتهم لإدارة المطعم وتحضير الأكل وكل الناس (العازمين وحتى المعزومين).

عزوتي للكل

لـ العازم والمعزوم.. في أشخاص (العازمين) بفكروا إنهم ما بقدروا يطلبوا أكل إلهم! بس الفكرة مش هيك، إنت كشخص عازم بتقدر تروح وتفطر أو تتغدى فيه وبتقدر ما تشتري كوبون كمان! لإنه بقيمة طلبك إنت ساهمت بتعزيز إيرادات المطعم اللي بغطي متطلباته وبفعل الخير.

مينيو عزوتي

قلاية بندورة، فول، لبنة، بطاطا بالزيت والبيض، زيت وزعتر، طحينية ودبس.

كوبونات عزوتي

بتقدر تشتري كوبون واحد أو أكتر حسب القيمة اللي بتختارها، وهي متنوعة بين (دينار واحد، ٧٥ قرش، ٥٠ قرش).

مقتبسات عزوتي

– عازم ومعزوم

– فكّر بغيرك

– لديك ما يكفيك من خبز ولكن ليس ما يكفي جميع الناس