أشياء نحبها
بتعرف انه في مكان مخصص بالكامل للتنس بعمان؟
بتعرف انه في مكان مخصص بالكامل للتنس بعمان ؟!!
لكل حدا بحب التنس او بعرف عن رياضة التنس ، اذا بتدور على مكان تلعب فيه تنس أرضي بعمان في مكان بالكامل مخصص للتنس اسمه Tennispro Jordan ، تنس برو .
الملعب فتح جديد تقريبا بشهر واحد 2019، الملعب مساحته كبيرة و في مبنى كبير تابع اله و موقعه بتندل عليه بسهولة كونه على شارع رئيسي .
الحلو بالتنس برو انه بتقدر تشارك عندهم لحالك او مع مجموعة من معارفك و بعطي دروس تدريب للتنس ، مع مدربين محترفين ، بتلاقي عندهم مدربين من صربيا و من مصر .
التدريب عندهم عبارة عن حصص ، مدة الحصة ساعة ، بتكلفك 30 دينار ، ومحددين حصص حسب الفئات العمرية يعني الأطفال لعمر محدد الهم حصص منفصلة عن حصص الكبار و بمواعيد مختلفة .
كمان عندهم نظام تسجيل اون لاين عن طريق تقديم طلب تسجيل بتكتب فيه بياناتك من الاسم و العمر و سنوات الخبرة بالتنس و بتحدد المهارة مع تحديد الوقت الي بدك تلعب فيه و بتشترك معهم سواء أسبوعين او شهر او اكتر .
و قريباً راح يفتتحو gym بنفس الموقع مخصص للافراد الي عندهم عضوية بالملعب .
الموقع : شارع الحرية – حي الصحابة بإتجاه عبدون .
أوقات الدوام : كل يوم من الساعة 8 الصبح حتى الساعة 10 مساءً .