أشياء نحبها
This article is also available in
.
Switch Language
بعض فعاليات أسبوع عمان للتصميم
أسبوع عمان للتصميم ، في نسخته الثالثة ، و هاي السنة عاملين العديد من الفعاليات الفنية و الفكرة الأساسية بتتمحور حول التصميم و الفنون و الحرفيات .
1. معرض الهنجر | الموقع : جاليري راس العين
الفعالية عبارة عن معرض راح يعرضو فيه اعمال فنية لمصممين أردنيين في مجالات متعددة في العمارة و الأزياء و الأثاث و غيرها .
2. مختبر الحرف الإبتكاري | الموقع : جبل عمان
الفعالية للي بمتلكو مهارة حرفة الصلصال و النفخ على الزجاج ، و الفعالية عبارةعن ورش عمل للحرف .
3. محل معهد التصميم عمّان المؤقّت | الموقع : جاليري راس العين
معهد التصميم راح يعرض بعض أعمال طلابه في مجال الأزياء .
4. حي الحرف | الموقع : قرية الكباريتي – جبل عمان
عبارةعن معرض للتصاميم و الازياء و الصناعات التقليدية و المعاصرة عن طريق المحلات المؤقته ليشوفو كيف بتكون محلات التصميم و المعارض في قرية الكباريتي الي تعتبر ملكاً لعائلة الكباريتي الي قامو بالتبرع لاسبوع عمان للتصميم و خلوهم يعرضو أعمالهم الفنية و الحرفية في مباني القرية .
و غير المعارض و محلات التصميم المؤقته ، راح يكون في عدة لقاءات في أوقات و مواقع مختلفة خلال أسبوع عمان للتصميم ليحكو عن مواضيع بتخص التصميم ، الابتكار ، الاثار ، ثقافة و النباتات و العديد ، و راح يكون في عروض موسيقية حية في كل ليلة طول فترة أسبوع عمان للتصميم لموسيقيين و فنانيين أردنيين في هنجر راس العين و كمان في قرية الكباريتي .
و كمان في العديد من ورشات العمل الي بتحكي عن الأزياء ، الجرافيك ديزاين ، المنسوجات ، و الخط العربي .
و في معرض فريد من نوعه راح يناقش موضوع الزراعة المائية راح يكون في تيرتيل جرين تي بار .