وين تفطر بعمان؟؟

في أماكن شغل تقعد تفطر فيها بعمان لانها بتجبلك الجو الصباحي الرايق الحلو مع القعدة و الاكل الزاكي ، خلينا نشوف ابرز هاي المطاعم .

مطعم سفرة

مطعم شرقي تراثي ، عبارة عن بيت قديم تم تجديده الجو عندهم روعة في ساحة للمطعم و نافورة و قعدته زي بيت شامي قديم و الاكل متنوع و بينفع للفطور من ناحية القعدة و الاطلالة و الأجواء الي بعملوها .

شمس البلد

مطعم مخصص للفطور اجوائه حلوة كتير و بيعمل المناقيش بطريقة الخاصة الي بتميزه عن باقي المطاعم و بتحس جوه لطيف و بشغلو أغاني لفيروز عالصبح

Primal Restaurant

جماعة ال healthy food هادا المطعم بناسبكم بيقدم اكل صحي و قعدته جميلة جدا و الأجواء حلوة و كتير حلو تروح تفطر فيه عالصبح .

Books@abdoun

كتير حلو هاد الكافيه للفطور المنيو متنوعة من بان كيك و وافل و فطور امريكي و معجنات .

عجين

مطعم لطيف و مساحته صغيرة بعبدون متخصص بالمجنات بكل أنواعها و ديكوره لطيف جدا

كافيه هارون

الكافيه قعدته برا خيالية و الأجواء بالصبح غير شكل و بيعمل عروض عالفطور .

زعتر و زيت

مطعم لبناني لطيف بالبوليفارد ، المنيو عنده متنوعه و بتحسه كتير شغل تفطر فيه .

Boho Haus

كافيه بوهو هاس عندهم منيو زاكية للفطور و متنوعة و بتناسب الكل و القعدة برا حلوة و ديكوره مميز .

Blue Fig Corner

مطعم هادي و رايق و الفطور عندهم بشهي و المناقيش الي بعملوها كتير مميزة من ناحية العجينة و طريقة التقديم .

Segafredo

كافيه إيطالي ب ام اثينة منيو الفطور صحية و في مناقيش و الازكى الافوكادو على التوست.