أشياء نحبها
This article is also available in
.
Switch Language
متحف السيارات الملكي يحاكي تاريخ الاردن من عام ١٩٢١
عمره خطر ببالك تعايش أجواء أهم الأحداث اللي عاصرت التاريخ الأردني عن طريق السيارات هاي الفكرة الفريدة من نوعها مطبقة حرفيا في متحف السيارات الملكي في عمان من البوابة الرئيسية حتى توصل للحديقة كل التفاصيل انعملت لتحاكي قاع المدينة من محال تجارية ومقاهي حتى الاصوات هناك طالعة من مذياع خشبي قديم بتسمع منه خطابات هاشمية علمت بالتاريخ في فترة من الفترات مثل صوت جهوري للملك المؤسس وهو بيلقي خطاب أمام مجلس الأمة عام 1947، بعد سنة من تأسس المملكة .
.بعدين بتسمع صوت الملك حسين في واحد من خطاباته الشعبية النادرة بيتخللها الموكب الملكي
.وهذا المعلم اله مساحة واسعة على خريطة السياحة الأردنية، لانه بيستقبل 125 ألف زائر بالسنة لهيك بنقدر نعتبره التالت سياحيا من عددالزوار بعد البتراء وجرش
وفي حديقة “الملك حسين” داخل المتحف غير السيارات رح تلاقي طائرة نوعها «دي هافيلاند دوف» موديل 1947 كانت عزيزة على قلب المغامر الراحل لأنه تعلم الطيران فيها ولانه كان يستخدمها الملك عبد الله الأول للسفر بين عمان والقدس الشرقية، اللي كانت مع الضفة الغربية جزء من المملكة حتى العام 1967.