مدونة
شو بتعرف عن تكية أم علي ؟
شو بتعرف عن تكية أم علي ؟
تكية أم علي منظمة حكومية غير ربحية أسستها الأميرة هيا سنة 2003 ، و فكرة التكية استلهمت من الملكة عليا رحمها الله ، ليساعدو الفقراء و الايتام بتوفير الغذاء يعني الفكرة الأساسية من التكية هي مكافحة الفقر الغذائي ، الاميرة هيا كونت مجلس إدارة للتكية و هي مديرتها .
الملفت في التكية إنها بتوفر ٤٠٠ وجبة ساخنة يومياً في مقرها الموجود في قلب العاصمة عمان –منطقة المحطة ، هاد الاشي يعتبر نادر في الدول العربية .
شو البرامج و المبادرات الي بتعملها تكية ام علي ؟؟
في برنامج مختص بالاضاحي يعني بتتبرع بسعر اضحية ليوزعوها عالفقراء و الاضحي بتتقسم لقسمين قسم باستراليا يعني بيجيبو اضاحي من استراليا تحت اشراف لجنة شرعية من دائرة الاقتاء العام ، و القسم التاني بكون اضاحي من مسلخ امانة عمان .
كفارة رمضان الي هي عبارة عن تبرع بالكفارة و بتم تحويل سعر الكفارة لوجبة بيقدموها للمحتاجين كل يوم خلال شهر رمضان كموائد الرحمن في مقرهم الي بالمحطة .
المبادرات كل فترة بكون في مبادرة من مجموعة اشخاص كافراد او موظفين في مؤسسة او طلاب بشاركو بتعبئة عدد كبير من الطرود و توزيعها على المحتاجين ، و في مجموعات بعملو إصلاحات لمنازل الفقراء او بقدمو الاكل في مقر التكية للمحتاجين .
و مؤخرا التكية عملت مسابقة شارك فيها مرظفين كبرى الشركات في الأردن للي بيقوم بتعبئة اكبر عدد من الطرود و الشركة الي فازت النسر العربي للتأمين .
و بتقدر تشارك بالمبادرات عن طريق تقدم الهم طلب اون لاين و بتعبي بياناتك في الطلب و هم بتواصلو معك ، غير هيك التكية اول جمعية خيرية في الأردن بتطلق تطبيق على الموبايل لتستقبل التبرعات .
شو دور الأميرة هيا و الأمير علي في التكية ؟؟
طبعا الاميرة هيا الي اسستها فالتكية بتكون تحت ادارتها و الاميرة هيا بتقوم بالتبرع بمبالغ كبيرة للتكية قبل فترة تبرعت ب ٢٨ مليون دينار ، الأمير علي بشرف عالتكية و بشارك بالعديد من مبادرتها و هيك بكونو حققو رؤية الملكة علياء رحمها الله.