أشياء نحبها
شروق المغربي
This article is also available in English. Switch Language

جماعة الاكل الصحي ، هاي المزرعة العضوية راح تهمكم

مزرعة موجب العضوية ، المزرعة المعتمدة لزراعة الخضروات العضوية في الأردن ، المزرعة معتمدة من اكتر جهة دولية في الأردن .



مزرعة موجب العضوية عبارة عن مشروع لعيلة اردنية تركت الحياة الصاخبة في المدينة و بلشت هادا المشروع العضوي من أرض مساحتها ١٥ دونم في طريق المطار في البداية لتنتج خضروات و فواكه عضوية صحية مميزة بالأردن .



أحيانا بحكولها المزرعة السعيدة لانه أي حدا بياكل من عندهم بحس بالسعادة بسبب الاعتناء الزايد ما بستخدمو أي نوع من أنواع المبيدات الحشرية او الأسمدة الكيميائية و المواد الحافظة في الزراعة و هادا من اكبر الأسباب الي بخلي مزرعتهم عضوية و صحية بامتياز .


طبعا الخضروات و الفواكه الي بزرعوها ما اختاروها بشكل عشوائي ، عملو دراسات و تجارب لاكتر من نوع من المحاصيل لوصلو للي بيزرعو اليوم .



شو بيزرعو ؟؟

بيزرعو اكتر من 50 نوع من الخضروات زي الخضروات الورقية متل الزعتر البلدي الأخضر و خضروات زهرية متل الزهرا و البروكلي و الملفوف وخضار الاسكواش و الخضروات البصلية و البازيلاء و الجزر و الباذنجان .


و بالنسبة للفوكه بتكون عندهم موسمية بتبلش من شهر فبراير بزرعو الفرولة و بعديها اببلش موسم العنب و التوت و العليق .

كمان كل سنة بتوسعو و بزرعو أنواع جديدة من الخضروات و الفواكه .


وين موقعهم ؟

للمرزعة اكتر من موقع في الطنيب و المجدل بمساحة تتجاوز ال 180 دونم .



كيف بتقدر توصل لمنتجاتهم ؟؟

في سوق نور البركة مخصص للخضروات في حديقة الاميرة ايمان في منطقة الرابية كل يوم السبت من الساعة 10 الصبح للساعة 3 المسا باغلب الأحيان بشاركو بهاي الفعالية .



و في بعض الأحيان بعرضو منتجاتهم في كارفور و كوزمو ، و بشاركو بفعاليات بتخص الاكل في الأردن .

مقالات ذات صلة