أشياء نحبها
فرقة Coldplay رح تصدر ألبومها التامن بالأردن وبحفلتين بعمّان
أعلنت فرقة الروك البريطانية Coldplay عن اختيار العاصمة عمّان لإطلاق ألبومها التامن من 4 سنوات بعنوان “Everyday Life” بتاريخ 2211 يوم الجمعة.
واختارت الفرقة الأردن لإطلاق ألبومها لانه بيتماشى مع موسيقى وثيم الألبوم من ناحية الطبيعة والتاريخ والثقافة الشرق أوسطية. وكمان تم الترويج للألبوم على مستوى عالمي وفي عدّة مُدن متل برلين وهونغ كونغ ومدريد وساو باولو وسيدني.
والألبوم بغلافه الأبيض والأسود بيضم 16 أغنية كلها بتندرج تحت مفهوم السلام والحب، والألبوم رح يتقدّم بوقتين: الأول “الشروق” ويعني انه رح تكون حفلة إصدار الجزء الأول من الألبوم بوقت الشروق بتوقيت الأردن 6 صباحاً وحفلة إصدار الجزء التاني بوقت الغروب الساعة 6 مساءاً بتوقيت الأردن.
للآن ما تم الإعلان عن أماكن العرض ولا وقته واذا التذاكر رح تكون موجودة للجميع أو كيف طريقة بيعها، ولكن لكل اللي بيحبوا الفرقة بامكانهم متابعة الحفلة ببث مباشر على موقع يوتيوب.