أشياء نحبها
محمد كمال

أماكن حلوة لتقضّي فيها وتعيش أجواء عيد الميلاد المجيد

لكل الناس اللي حابه تعيش أجواء الكريسماس الحلوة بأماكن راقية وأجواء بتناسب الأطفال والعائلات، بتقدروا تروحوا ع أهم مكانين متل:


بوليفارد العبدلي:




متل كل سنة بضم بوليفارد العبدلي فعاليات خاصة بالعيد المجيد وأجواء كلها زينة وفرح وأغاني العيد، ونشاطات خاصة للكل. وعادةّ بيشارك بهاي الفعالية الكبيرة شركات كتيرة بترعى الفعالية وبتقدّم منتجاتها متل الإكسسوارات وحلويات وأكل ومشروبات العيد وألعاب أطفال وغيرها كتير.


كمان بتم إضاءة شجرة الميلاد الكبيرة باجواء رائعة بيتخللها ترانيم العيد المجيد وبوجود بابا نويل اللي بتجوّل بين الناس وبياخدوا صور تذكاريه معه.


الفحيص:




أطول شجرة عيد الميلاد المجيد موجودة بمدينة الفحيص، وكل سنة بيتم إضاءتها بوجود عدد كبير من الناس من جميع أنحاء الأردن ومن الديانتين المسيحية والإسلامية. وبيتم خلال هاد الحفل مشاركة عدّة فئات من مؤسسات المجتمع المدني والمدارس والشبيبة وسط أجواء مليئة بتراتيل العيد وبالمحبة والسلام. وكمان من أهم الفعاليات اللي بتصير بالمدينة هي بازار عيد الميلاد واللي بيعرض أشغال يدوية وهدايا العيد. غير معارض الفن التشكيلي والمسرح وأناشيد ومعزوفات العيد المُقدمة من عدّة فِرق.


اللي حابين يحتفلوا بالعيد المجيد المليء بالمحبة والفرح بيقدروا يروحوا ع هاي الأماكن اللي نعملت لتجمع الشعب الأردني بكل فئاته بأجواء حلوة وما بتتعوّض. عيد ميلاد مجيد!