أشياء نحبها
فرقة Coldplay رح تصدر ألبومها التامن خلال حفلتين بعمّان الليلة!
اليوم ولأول مرة، رح تطلق فرقة الروك البريطانية Coldplay ألبومها التامن من 4 سنوات بعنوان “Everyday Life” بعمّان.
واختارت الفرقة الأردن لإطلاق ألبومها لانه بيتماشى مع موسيقى وثيم الألبوم من ناحية الطبيعة والتاريخ والثقافة الشرق أوسطية. وكمان تم الترويج للألبوم على مستوى عالمي وفي عدّة مُدن متل برلين وهونغ كونغ ومدريد وساو باولو وسيدني.
والألبوم بغلافه الأبيض والأسود بيضم 16 أغنية كلها بتندرج تحت مفهوم السلام والحب، والألبوم رح يتقدّم بوقتين: الأول “الشروق” ويعني انه رح تكون حفلة إصدار الجزء الأول من الألبوم بوقت الشروق بتوقيت الأردن 6 صباحاً وحفلة إصدار الجزء التاني بوقت الغروب الساعة 6 مساءاً بتوقيت الأردن.
يلي ما رح يقدروا يكونوا بالحفلة، بامكانهم المتابعة ببث مباشر على موقع يوتيوب. مين متحمس؟