مطاعم ومقاهي
الدجاج بالنكهة الأفريقية عند بارسيلوس بعمان
أحياناً منمل من نفس الأكل وبكون عبالنا نجرب إشي جديد، عشان هيك رح نعرفكم على مطعم بارسيلوس.
بارسيلوس موجود بسيتي مال وشارع مكة عبمان، بقدم أطباق من جنوب أفريقيا على الطريقة البرتغالية. حتى إسمه “بارسيلوس” هو إسم مدينة بالبرتغال.
أكتر طبق بيتميز في بارسيلوس هو الدجاج المشوي وصوص البيري بيري الموجود بأربع انواع حسب مقدار تحملك للحر.
الأكل زاكي وما بتندموا قد ما تاكلوا منو بضل صحي. بس تروحوا هناك لازم تجربوا اسبيتادا، من جد بتشهي.
حتى القعدة هناك لطيفة وعائلية، بنعتبروا من المطاعم الموجودة في عمان إلي بنحبها وبنوصي عليها الكل يجربها.