كيف بقضو الاردنيين رأس السنة ؟

طبعا راس السنة حدث مهم عند ناس و ناس و كل حدا الو عادات خاصة بهالمناسبة. شوفو شو هالعادات:

جماعة الحفلات والصخب

هدول لازم يحجزو قبل بشهر لحفلة رأس السنة وبشوفو انهم لازم يحتفلو برأس السنة برا البيت وبنقسمو ل 3 أقسام:

1. قسم مقرررش لازم يقضي رأس السنة برا الاردن، اوروبا، دبي او امريكا .

2. قسم بحب الحفلات التقيلة الي على اصولها يا بتكون بفندق 5 نجوم او بمطعم فخم ولازم يكون المطرب الي بيحي الحفلة معروف “سوبر ستار” .

3. قسم طفران وعايش على قدو بروح على حفلات التذكرة بعشر دنانير او بسهر بالشارع مع اصحابو او بالمولات.

القسم البيتوتي و هادا اللطف قسم

بقضي رأس السنة بالبيت وعلى التلفزيون بتابعو الالعاب النارية في دبي وبرنامج ميشيل حايك تبع التنبؤات بالمستقبل وبعملو لمة مع الاهل وبوشار وبيتزا وكوكيز وكيك.

قسم الصاحبات

هدول بنات بجتمعو ببيت وحدة من صاحباتهم و بعملو لمة بيناتهم و بيجيبو اكلاتهم معهم و نقرشات.

قسم ما الو علاقة بالموضوع كلو

هادا القسم بنظر على انه رأس السنة مش النا للاجانب وبنام قبل الساعة 12 يعني مريحين حالهم من القصة كلها.

و يا ترا إنت من إي قسم فيهم ؟؟