مطاعم ومقاهي
أكل بيت برا البيت! باللويبدة
جماعة الطبيخ مو ضروري تاكلو الطبيخ بس بالبيت في كمان أماكن بعمان بتقدم طبيخ بشهي و الجو عندهم زي قعدة البيت.
مطبخ نجلا في جبل اللويبدة، عبارة عن مطعم بس زي البيت بقدم طبيخ و ما في اكل جاهز زي المطاعم.
مفهوم هادا المطبخ انك بتيجي انت و اهلك او مع جروب من أصحابك ومعارفك و بتقعدوا قعدة لطيفة ما بتحس حالك برا بتحس حالك ببيتك.
الجو مريح و لطيف و كل يوم بمطبخ نجلا في طبخة محددة من جاج محشي لفريكة و سلطات و غيرو.
اكلهم بشهي و بفتح النفس و غير هيك المعاملة جدا لطيفة.
ديكور المطبخ خرافي ، زي البيوت العربية القديمة مع لمسات انيقة و فخمة.
طبعاً كل يوم في طبخة محددة مع مجموعة من السلطات و الشوربات.
يعني انت اذا بتدور على مكان تاكل فيه ازكى الاكلات الشرقية راح يعجبكم هادا المطبخ.
الموقع: جبل اللويبدة – بالقرب من بيت ستي