مطاعم ومقاهي
أزكى 4 مطاعم سوشي بعمان
سواء كنت بتحب السوشي أو ما عمرك جربته، في مطاعم كتير ممكن تجرب فيها السوشي بعمان، واخترنا الك أحسن أماكن ممكن تستمتع فيها بوجبة السوشي والأكلات الآسيوية إللي رح يحبها قلبك واللي رح ترجعلها أكيد مشان تاكلها مرة تانية!
كل الأكل الآسيوي إلي بتشتهي بتلاقي عند أريجاتو، وخاصة السوشي الطازة والزاكي. إن كنت من محبين الأكل الصيني على أصوله، هاد المطعم أكيد الك.
كان ولساته واحد من مطاعم السوشي البارزة في عمان، خاصة إنه بقدم سلطات وأصناف نيجيري مميزة كتير، واللي بخلي هالمطعم مختلف عن غيره هو إنك بتقدر تطلب سوشي يجي لعندك بأي مكان، وعلى الرغم من إنه مطعم صغير بس عالأكيد رح تحب تقضي وقتك فيه لتستمتع بالوجبة الآسيوية اللي مشتهيها.
عاشقين السوشي بوريتو هاد هو مكانكم المفضل بعمان! Fish Face بقدملكم أشهى بوريتوز اللي بتوفرلكم مزيج من الخضار الطازجة وسلطات السمك الشهية، ورح تستمتعو بوجباتكم في أجواء المطعم اللطيفة والهادية، خاصة إنه موقعه قريب من حديقة الديار في عبدون.
المميز ب Noodasia هو إنهم بوفروا بوفيه مفتوح كل أسبوع اللي ممكن تاكل فيه قد ما بدك من أنواع السوشي المختلفة والساشيمي و النكهات الآسيوسة الشهية، كمان ممكن تختار من المنيو تاعهم اللي بيرضي كل الأذواق، لأنه أطباقهم بحضرها أمهر الطهاة المدربين على أصول الطهي .