مشروع ضخم رح يغير حياة أهل الجنوب

في مشروع استثماري يعتبر الأكبر في منطقة جنوب الأردن، تحديداً محافظة معان.

المستثمر كويتي الجنسية “مشعل الصباح”، وصرح بانه المشروع رح يخلي الأردن مصدر للطاقة.

المشروع عبارة عن مصفاة بترول، ووزارة الطاقة الأردنية أعطت الموافقة المبدئية على المشروع، الي بدأت فكرته من عام 2018.

المشروع بينقسم لقسمين: القسم الأول مصفاة بترول والقسم الثاني مجمع بتروكيماويات.

و صرح الصباح انه راح يبدأ بالإنتاج عام 2024 وانه تكلفة المشروع 8 مليارات دولار إجمالي التكلفة.

و في تصريح اخر للصباح: محافظة معان ستكون مثل مدينة الأحمدي النفطية في الكويت.

وهادا المشروع يعتبر الأول من نوعه في الأردن وكونه في الجنوب ف راح يكون خطوة كتير كبيرة و إيجابية لتسليط الضوء على الجنوب وراح يفتح الأبواب لمشاريع تانية مبنية على هادا المشروع.

غير انه راح يخلي محافظات الجنوب حيوية ومركز اهتمام اكبر من قبل.