مدونة
This article is also available in
.
Switch Language
القيادة الهاشمية تتعامل مع الكورونا بكفاءة
من بعد إنتشار الكورونا وازدياد الخوف منها، بدأت قياداتنا الهاشمية باتخاذ اللازم للحد من انتشار الفيروس Covid-19 في الأردن.
شو الإجراءات الي اتخذتها الحكومة؟
بعد ما أعلن الرزاز عن تعطيل المدارس، ومنع الأراجيل في المقاهي وإغلاق المساجد ومنع التجمعات، لما زاد عدد حالات المصابين بالكورونا، الحكومة اتخذت تطبيق قانون الدفاع، لتعطيل جميع الدوائر والمؤسسات في القطاع العام والخاص وإغلاق المطاعم وسمحت الها بالتوصيل المنزلي فقط وتسكير المولات بشكل كلي ومنع التجمعات لمدة ١٤ يوم.
وبعد بفترة الحكومة أعلنت حظر التجول الإجباري الي اتطبق على كل الأردن بدون استثناء مع صافرات الإنذار الي أطلقوها الساعة ٧ صباح السبت وأعلنت الحكومة انه لازم نتعايش مع هاي الظروف لانه احتمال تاخد فترة أطول.
والاحلى تضامن الشعب الأردني مع الجيش، لما عملو وقفة على الشبابيك وتصفيق لنحيي القيادة الهاشمية والجيش والكوادر الطبية مساء يوم الجمعة، و كتير ناس شاركت بهالفعالية وورجو حبهم للقيادة الهاشمية ولبلدهم.
والأحلى تعامل الدولة مع المحجور عليهم صحياً، اخذوهم على فنادق خمس نجوم في البحر الميت و تعاملوا معهم بقمة الأخلاق والإنسانية و لدرجة انه جرايد بمصر مدحت القيادة الهاشمية على تعاملها الراقي مع أبناء البلد و كمان ناس من الدول المجاورة مدحو الأردن والقيادة الهاشمية.
والفزعة الأردنية الكبيرة الي صارت من قبل الشعب الأردن كيف تضامنو مع بعض ورجال اعمال ومؤسسات اردنية تبرعوا بمبالغ مالية كبيرة لوزارة الصحة لمكافحة الكورونا، و الشعب وقف مع بعض و تبرعوا بمواد تموينية وفي كتير ناس سامحوا المستأجرين بالإيجار مراعاة لظروفهم.
كمان انتشار حملة #خليك_بالبيت على مواقع التواصل الاجتماعي لتوعية الناس بأهمية الابتعاد عن الاختلاط والاحتكاك ببعض حتى لا ينتشر الفيروس.
حفظ الله الملك القائد والجيش والأمن وأبناء البلد.