مدونة
محمد كمال
This article is also available in English. Switch Language

أطلب كل اللي بتحتاجه وانت قاعد بالبيت خلال حظر التجول…

كلنا قاعدين بالبيت وبنحتاج أشياء كتير ممكن ما نقدر نجيبها لعدة أسباب! ممكن تكون السوبرماركت أو الصيدلية أو المخبز بعاد ومتكاسلين نروح وخاصة انه ممنوع التجوّل بالسيارات وبس مشي وبأوقات محددة! أو ممكن في ناس أصلاً خايفة تطلع بلاش تمرض!


لهيك، شركة كريم وأوبر تعاونوا مع هيئة تنظيم النقل البري وهيئة تنظيم قطاع الإتصالات، لحتى يصيروا يقدروا يوصلولكم الأساسيات إللي بتحتاجوها خلال هاي الفترة الاستثنائية.



التوصيل رح يكون بآلية معينة وضمن شروط معينة وهي:


أول اشي عن طريق تطبيق كريم لازم تختار نوع السيارة ويكون “أساسيات – Essentials” وبعدها بتختار أقرب سوبرماركت أو صيدلية أو مخبز عليك، وبتكتب للكابتن الأشياء اللي محتاجها أو بترن عليه.

بعدها بروح الكابتن بيشتري الأغراض وبوصلكم اياهم لباب البيت وبتحاسبه كاش عليهم.


شروط الطلب رح تكون انه بتقدر تطلب من مكان واحد فقط بالطلب الواحد، وسعر الطلبات ما يتجاوز 70 دينار والوزن ما يزيد عن 7 كغم. وتكلفة التوصيل رح تكون ثابتة وهي دينارين وكلها للكابتن، والتوصيل متاح في عمان وإربد.


وطبعاً الكباتن رح يتبعوا أعلى معايير النظافة والتعقيم والحرص عشان صحتكم وصحتهم.

مقالات ذات صلة