مدونة
محمد كمال

موقع “مونة” بيجمعلك كل المحلات وتطبيقات التوصيل بمكان واحد

بسبب الظروف الاستثنائية الي الكل بيمر فيها من ناحية الحجر ومنع التجوّل، ولأنه كتير ناس ما بتقدر تطلع وبيلزمها مونة للبيت. أعلنت الحكومة اليوم عن إطلاق موقع “مونة – mouneh.jo” بالتعاون مع موقع طقس العرب من ناحية التصميم والبرمجة. ومن هاد الموقع، بتقدر تعرف كل المحلات والبقالات والتطبيقات إلي ممكن توصلّك كل الأغراض اللازمة لبيتك وتطلب منها.

الموقع رح يكون كدليل فيه المواقع الإلكترونية للمحلات في الأردن الي بتقدر تطلب منها أونلاين والتطبيقات الذكية المرخصة فقط من هيئة تنظيم قطاع الإتصالات الي كمان بتقدر تطلب من خلالهم ليوصلولك أغراضك. وفيه كمان قائمة بأسماء المحلات التموينية الموجودة في كل المحافظات والأحياء إلي بتوفر خدمة التوصيل للبيت عن طريقها.

وهاي المحلات والتطبيقات بتقدر توصّل بالفترة الحالية من الساعة عشرة الصبح للساعة ستة المسا، والدفع بيتم كاش ورح يكون إلكتروني قريباً.

وطبعاً أي شخص بيقوم بعملية التوصيل رح يتّبع أعلى معايير وتعليمات الصحة والنظافة والوقاية وبرقابة دائمة من الجهات المسؤولة.