قوائم
كاتب رئيسي
This article is also available in English. Switch Language

٦ قصص بتسمعهم بكل تاكسي في الاردن

ما حدا يقنعني انه ما احتاج يركب تاكسي لو مشوار وحيد بحياته. و اذا على فرض بجد ما ركبه، انا بنصحه يركب بس عشان يسمع قصص الشوفيرية اللي بتطيّر المخ مثل:

١. ”كنت دكتور / مهندس و الزمن جار عليه“.

٢. ”كنت مليونير و افلست… ما انت عارف انه المصاري بتروح و بتيجي يا كبير. يوم الك و يوم عليك“.

٣. ”انا كنت بامريكا و صارلي سنة راجع لانه ما عجبني الوضع غاد، البلد طلبت اهلها“.

و لما تسأله بأي ولاية، بيغير الموضوع او بحكيلك شيكاغغغغغغو يا باشا.

٤. ”والله و عرض اختي في بنت، الله يستر ع كل البنات، ما تفرجت عليها، عدّلت المرآة“.

٥. اللي بشكيلك من غلا الاسعار و مواضيع سياسية بفهمش فيها بالمرة.

٦. اللي بيضلّه ساكت، حاسب حساب يكون الراكب مخابرات و يودّيه ورا الشمس.