6 تطبيقات راح تسهل حياتك في عمان

الحياة صارت معتمدة على تطبيقات الهواتف الذكية ، و أغلب الناس صارو يستخدموها لتسهل عليهم حياتهم و تخفف عليهم ضغوطات الوقت و التوصيل و أزمة الطريق ، هدول أكتر٦ تطبيقات بستخدموها سكان عمان .

1. Gowash

تطبيق جديد فكرته الي بده يغسل سيارته بدل ما يروح على أماكن غسيل السيارات، بنزل التطبيق على موبايله و بطلبهم و بيوصلو لعندك لأي مكان و بأي وقت.

2. Basket.jo

الي مو فاضي يروح عالسوبرماركت و يشتري أغراض بتقدر عن طريق هاد التطبيق تحدد الأغراض الي بدك تشتريها و همه بوصلها لعند بيتك و بتقدر عن طريقهم تطلب من محلات زي كارفور و كوزمو و كرمز بيكري و كتير محلات.

3. Lina Gaz

تطبيق أكثر من رائع فكرته اذا خلصت عندك جرة الغاز بتطلب من عندهم غاز، بدل ما تتوتر و تضل تستنى موزعين الغاز ليمرو من عند بيتك، و بس بتزيد دينار على سعر الجرة، و عن جديد صارو يوصلو للساعة وحدة بعد منتصف الليل.

4. Noor Healthy

لمحبين الاكل الصحي هاد الطبيق جداً بناسبكم و بتقدرو تطلبو أي نوع اكل صحي بدكم إياه او اكل عضوي من مزارع عضوية في الأردن، أكل صحي homemade و بروتينات من kabs factory

5. Efawateercom

فكرته تسديد الفواتير اون لاين زي فواتير الكهرباء و المي و بتقدر تستعلم عن طريق هادا التطبيق عن قيمة فاتورتك و الذمم السابقة الي عليك.

6. Washywash

دراي كلين اون لاين هاي فكرته، بتحدد الاواعي الي بدك تغسلها و هم بيجو لعندك و بياخدوها و برجوعها نظيفة و مكوية.