قوائم
كاتب رئيسي
This article is also available in English. Switch Language

7 أنواع مدراء ممكن تقابلهم بالشغل

كل شغل بتروح عليه بتلاقي فيه مدير بطبع وشكل غير عن إلي قبله، وكل ما تشتغل أكتر بتشوف أكتر.

بس احنا لخسنالكم أكتر 7 أنواع موجودين وممكن تتعامل معهم وتشوفهم خلال حياتك المهنية:

1. المدير الفراشة:

هادا المدير إلي ما بيقعد محله، وبيضل يبرم على المكاتب والعملاء. مش تارك حدا بحاله، وممكن بأي لحظة يطلعلك لحتى يشوف ايش بتعمل.

2. المدير المهتم بالترتيب:

هادا المدير بحب يهتم بالمظاهر والشكل الخارجي للناس والموظفين اللي عنده.

بحب كل اشي يكون بمكانه ومنظم وكل حاجة بمواعيد ونظام.

3. المدير المستعجل:

المدير هادا حالته صعبة وبتحسه مستعجل طول الوقت، ومش على بعضه.

بده كل اشي يخلص بسرعة، عشان كله urgent.

يعني بيبعتلك e-mail وبعد ثانيتان بيسألك ليش بعد ما رديت. طب روق ياخي!

4. المدير المزعج:

أسوأ نوع! ما بيعجبه اشي، وطول الوقت بيتباهى بشغله وبينسب الشغل والمجهود كله لنفسه. بيحكي لكل الموظفين انو هو بعمرهم كان “CEO”. مع إنو كذاب، ما فيك ما تحس بالذنب.

5. المدير المعجزة:

هادا المدير بيعطيك كل task معجزة اكتر من إلي قبلها، وبيتوقع منك إن تخلصها بأسرع وقت.

و إذا ما خلصتها ممكن يخصملك عادي.

6. المدير الصاحب:

هادا المدير جداً كيوت ونادر تلاقي منه، بكون متل صاحبك وبتقدر تحكيله تاريخك المأساوي وتبكي في حضنه عادي.

7. المدير المثالي:

هادا النوع شايلينه للأخر عشان هو أكتر مدير مثالي. بوافقلك على كل أيام الاجازة، بيضل يتقرب من الفريق والموظفين وبيعملهم يلي بدهم، المهم يشتغلوا بدمة وضمير.