أشياء نحبها
This article is also available in
.
Switch Language
أجمل إطلالات عمّان الليلية
بتقدر تستمع بوقتك وتغير جوك جوا عمّان على واحد من إطلالتها الأكتر من روعة! واذا كان وقتك ضيق فبتقدر توصلها بسيارتك بدون ما تنزل منها.
١. إطلالة جبل القلعة
من أجمل الأماكن اللي بتقدر تخليك تتأمل بجمال عمّان القديم، من جهة بتشوف جبل الحسين، وجهة تانية القلعة ووسط البلد.
٢. إطلالة محمية الأردن الطبيعية
من هالمكان بتقدر تاخد أجمل الصور لجبل القلعة ووسط البلد، خصوصاً إنك رح تشوفهم من مكان بعيد ومرتفع.
٣. إطلالة شارع خرفان – جبل عمّان
بخليك تشوف سحر عمّان بطريقة مختلفة ما بين جبال عمّان وبيوتها المبنية فوق بعض، ساحة النخيل، مكتبة أمانة عمّان، راس العين، مسجد أبو درويش.
٤. إطلالة عبدون
مطل هادي جداً بنقلك من عراقة عمّان لحداثتها، وبعكس جمال عمّان بالليل بطريقة مختلفة.
٥. شارع الأردن
لو حاب توسع قلبك امشي بشارع الأردن بسيارتك، واستمتع بمشوارك قبل ما تفوت أزمة عمّان.