مطاعم ومقاهي
This article is also available in
.
Switch Language
أزكى فطار بالأردن عند مطعم أبو جبارة
إتخيلوا معنا: سفرة فول وحمص ومسبحة وفتة وطعمية وخضار جنبهم ورغيف خبز سخن.
في ازكى من هيك؟ طب شو رأيكم إنو هاد الأكل مش خيال، وبتلاقوا متل ما وصفنا عند مطعم أبو جبارة؟
آه والله. مطعم أبو جبارة الموجود بعمان، وعندو ٣ فروع.
المطعم الأساسي والأكبر موجود بشارع المدينة المنورة، وعند فروع بشارع الجاردنز وبشارع مكة المكرمة.
أبو جبارة بيتميز بفطاره الشهي، إلي بتجي الناس من غير بلدان عشانه.
جودة، نظافة، وطعم مميز، كل هدول من مواصفات مطعم أبو جبارة.
مش رح نقلكم أكتر من هيك، روحوا انتو جربوا وخبرونا رأيكم!