قوائم
احمد سميري
This article is also available in English. Switch Language

المحلات الموجودة بكل حارة

فش احلى من الحارات الاردنية اللّي كلنا تربّينا فيها. فيها كل ذكرياتنا مع اهلها وناسها ومحلّاتها!

1. محل الفول والحمص و الفلافل

في احلى من انو تفيق الصبح و تروح تجيب فطوركم من محل الحمص والفول اللي بحارتكم؟

2. الملحمة

خدلك عرايس مع رشة ليمون ولبن شنينة، طبعاً وهاض غير المشاوي

3. المكتبة

هاي اللي اهلك كانوا ياخدوك عليها وبجيبولك ستيكيرات كابتن ماجد و انت مكيف.

4. المصوّر

هاض المصوّر لي بتقعد ربع ساعة عندو عشان بالآخر يصورك انت و عم تعطس

5. ملعب الحارة

الساحة اللي شهدت على مواهبك الكروية وتلات رباع طوشك انت و ولاد الحارة

6. صالون التجميل

العجقة اللي بتلاقيها بهالصالون قبل أي عرس قد العجقة على محل الفلافل، و زيادة شوي

7. محلات “كل شي بدينار”

هدايا لعيد الأم، هدايا لعيد المعلم، هدايا نجاح، مزهرية جديدة لستك بدل اللي كسرتها، ألعاب، أدوات منزلية، وبتتطلع وجيبتك مرتاحة