مدونة
This article is also available in
.
Switch Language
نصائح لتقوي انجليزياتك وإنت بعمان
اللغة الإنجليزية كتير صار مهم بالنسبة لكل شخص انه يكون قوي فيها، لأنها بتفتحله كتير طرق ومجالات، مشان هيك كلنا بنحاول نصير أحسن فيها، بس كيف ممكن نحقق هاد الإشي؟
البحث عن شريك لغوي
مفتاح إتقان أي لغة هو ممارستها، وكيف ممكن نمارسها وإحنا عايشين ببلد كل الناس بحكو فيه عربي؟ الجواب هو انه نلاقي شريك لغوي بحكي انجليزي، وهاد الاشي سهل بعمان لأنه في عدد كبير من الأجانب بيجو مشان يدرسو عربي فيها أو مشان يشتغلو، وممكن نوصللهم من خلال البحث عن المعاهد المتخصصة بتدريس العربي للأجانب وإخبارهم بإنك بتبحث عن شريك لغوي وهيك رح يسجلو اسمك ويحكو معك لما يتواصلو مع طلابهم، ولما يوافق أحد الطلاب بصير ممكن تطلع معاه عأساس ممارسة اللغة “العربية ” بالنسبة إله و”الانجليزية” لإلك”
التسجيل بالمعاهد
الفرق بين الدراسة الفردية والتسجيل في المعاهد هو انك رح تلتزم أكتر لو سجلت، مشان هيك في عدد كبير من المعاهد المتخصصة بتعليم اللغات بالاردن وخاصة اللغة الإنجليزية، وممكن تسجل فيها بحسب مستواك ومنها: The British Council ومعهد اللغات الحديثة وغيرها كتير اللي رح تساعدك على تقوية اللغة الانجليزية عندك في كافة المهارات.
اسمع انجليزي أكتر!
مش بس أغاني كمان كتب مسجلة صوتياً وحاول لما تحضر أفلام أجنبي لا تقرأ الترجمة مباشرة، كمان ممكن تسمع لبرامج الراديو بالانجليزي هاد الاشي كتير مفيد الك وانت رايح عالشغل الصبح ومن قنوات الراديو اللي ممكن تكون مفيدة الك Mood FM و Beat FM.